"Qarabağ" "İmişli"yə, "Zirə" "Karvan-Yevlax"a qarşı

Misli Premyer Liqasında bu gün XX turun oyunlarına start veriləcək.

News24.az-ın məlumatına görə, ilk oyun günündə iki qarşılaşma keçiriləcək.

İlk matçda “İmişli” doğma meydanda – Quba Olimpiya İdman Kompleksinin stadionunda “Qarabağ”ı qəbul edəcək. Hazırda 19 xalı olan meydan sahibləri turnir cədvəlində 9-cu sırada qərarlaşıb. 42 xala sahib “Qarabağ” isə ikinci pillədə yer alır.

Günün ikinci görüşü Zirə İdman Kompleksinin stadionunda baş tutacaq. “Zirə” öz meydanında “Karvan-Yevlax”la qarşılaşacaq. Paytaxt təmsilçisi 32 xalla 4-cü yerdədir. Cəmi 6 xalı olan Yevlax klubu isə turnir cədvəlinin sonuncu – 12-ci pilləsindədir.

Misli Premyer Liqası

II dövrə, XX tur

14 fevral

14:30. “İmişli” – “Qarabağ”

Hakimlər: Cavid Cəlilov, Kamran Bayramov, Müslüm Əliyev, Alik Yunusov

VAR: Əliyar Ağayev

AVAR: Vüqar Həsənli

Hakim-inspektor: Ramil Diniyev

AFFA nümayəndəsi: Azər Əsgərov

Məkan: Quba Olimpiya İdman Kompleksinin stadionu

17:00. “Zirə” – “Karvan-Yevlax”

Hakimlər: Kamranbəy Rəhimov, Akif Əmirəli, Mirnihat Seyidov, Əkbər Əhmədov

VAR: Fərid Hacıyev

AVAR: Rəhman İmami

Hakim-inspektor: Anar Salmanov

AFFA nümayəndəsi: Asif Əliyev

Məkan: Zirə İdman Kompleksinin stadionu