"Qarabağ" UEFA turnir cədvəlində neçənci yerdədir?

Ötən gecə UEFA Çempionlar Liqasının Əsas Liqa mərhələsinin IV turu çərçivəsində keçirilən “Qarabağ” – “Çelsi” oyunu başa çatıb.

News24.az xəbər verir ki, qarşılaşma 2:2 hesabı ilə bərabərliklə nəticələnib. Bu nəticədən sonra “Qarabağ” aktivinə 1 xal əlavə edərək UEFA Çempionlar Liqasının turnir cədvəlində 15-ci pillədə qərarlaşıb.

Qeyd edək ki, Liqa mərhələsində ilk 8 yeri tutan komandalar birbaşa 1/8 finala, 9–24-cü yeri tutanlar pley-off mərhələsinə vəsiqə qazanacaqlar. 25–36-cı pillələrdə qərarlaşan komandalar isə avrokuboklarda çıxışlarını başa vuracaqlar.