“Real Madrid” finala vəsiqə qazandı

Arda Gülərin formasını geyindiyi “Real Madrid” İspaniya Super Kubokunda finala vəsiqə qazanıb.

News24.az xəbər verir ki, Madrid təmsilçisi yarımfinal mərhələsində əzəli rəqibi “Atletiko Madrid”i 2:1 hesabı ilə məğlub edib.

Səudiyyə Ərəbistanının Ciddə şəhərində, Kral Abdullah İdman Şəhəri stadionunda keçirilən görüşdə “Real Madrid”in qollarını 2-ci dəqiqədə Federiko Valverde, 55-ci dəqiqədə isə Rodriqo vurub. “Atletiko Madrid”in yeganə qoluna 58-ci dəqiqədə Aleksandr Sörlot imza atıb.

Türkiyə millisinin üzvü Arda Gülər oyuna ehtiyat oyunçular skamyasında başlayıb və 81-ci dəqiqədə Vinisius Juniorun əvəzinə meydana daxil olub.