"Real Madrid" yarımmüdafiə problemi yaşayır

"Real Madrid" rəhbərliyi komandanın yarımmüdafiə xəttindəki planın uğursuz olduğunu etiraf edib.

News24.az xəbər verir ki, klub Kazemiro, Toni Kroos və Luka Modriçin getməsindən sonra gənc oyunçulara investisiya etsə də, gözlənilən yüksəlişi təmin edə bilməyib.

İdman direktoru Antonio Meananın sözlərinə görə, klub növbəti transfer pəncərəsində yarımmüdafiəni gücləndirmək üçün böyük investisiya etməyə hazırlaşır. Rəhbərlik heyətə etibar etsə də, bu sahədəki çatışmazlığı həll etməyi prioritet hesab edir.