“Real Madrid”də Arda Gülərlə bağlı narazılıq

“Real Madrid”in soyunma otağında futbolçu Arda Gülərlə bağlı müəyyən müzakirələr gedir.

News24.az xəbər verir ki, futbolçunun istedadı yüksək qiymətləndirilir, lakin bəzi komanda yoldaşları onun oyunun tempini bəzən ləngitdiyini düşünür.

Arda Gülər məşqçi Alvaro Arbeloanın etimadını qazanıb və keçmiş oyunçu Xabi Alonsonun ayrılmasından sonra komandada daha çox şans əldə edərək əsas heyət üzvlərindən birinə çevrilib. Buna baxmayaraq, ondan daha böyük məsuliyyət göstərməsi gözlənilir. Xüsusilə Jude Bellingham zədədən qayıtdıqdan sonra Arda üçün mövqedə rəqabət arta bilər.

Soyunma otağında bəzi oyunçular isə keçmiş “Fənərbağça” oyunçusunun komandaya hələ tam şəkildə töhfə verə bilmədiyini vurğulayırlar.