Ruben Amorim yenidən məşqçi postuna qayıda bilər

“Mançester Yunayted”dən ayrıldıqdan cəmi yeddi həftə sonra Ruben Amorim yenidən məşqçi postuna qayıda bilər.

News24.az xəbər verir ki, portuqaliyalı mütəxəssis Braziliya klubu "Vasko da Qama"nın maraq dairəsindədir. Klub bu yaxınlarda baş məşqçi Fernando Dinizlə yollarını ayırıb və yeni namizəd axtarır.

“Old Trafford”dakı 14 aylıq dövrdən sonra işsiz qalan Amorimin Cənubi Amerikada yeni macəraya başlayacağı bildirilir. Braziliya mətbuatının yazdığına görə, “Vasko da Qama” komandadakı sabitliyi bərpa etmək üçün təcrübəli və tanınmış məşqçi istəyir.