Spalletti istefa verdi: Özümə yazığım gəlir

Luçano Spalletti İtaliya millisinin baş məşqçi postundan istefa verib.

News24.az Publika.az-a istinadla xəbər verir ki, bu barədə mütəxəssis özü məlumat verib.

“Bir neçə saat əvvəl federasiyanın prezidenti ilə görüşdüm. Qravina dedi ki, mən millinin baş məşqçisi vəzifəsindən azad olunacağam. Üzr istəyirəm, təslim olmaq fikrində deyildim. Mən postumda qalıb işimi davam etdirməyə üstünlük verərdim.

Mən həmişə bu vəzifəni ölkəyə xidmət kimi görmüşəm. Məsuliyyəti öz üzərimə götürürəm. FIGC mənə hər cür dəstəyi verdi. Ancaq nəticələr budur.

Özümü ən yaxşı tərəfdən göstərə bilmədim. Özümə yazığım gəlir. Bu işi götürəndə bilirdim ki, çətin olacaq. Və bacarmadım. Son matça gəlincə, biz daha pisinə layiq idik. Nəticələrimlə bağlı problemlər yaratdım. Mən əmin idim ki, hər şey başqa cür də ola bilərdi.

Sabah axşam Moldovaya qarşı komandanın yanında olacağam. Həmişə demişəm ki, futbolçularım güclüdür. Bu, mənim rəhbərliyim altında olan nəticələrdir və mən məsuliyyəti öz üzərimə götürməliyəm. Bu formanı, bu işi və yetişdirdiyim oyunçuları bəyənirəm və sabah axşam onlardan xahiş edəcəyəm ki, əllərindən gələni etsinlər”, – Spalletti mətbuat konfransında deyib.

Spalletti 2023-cü ilin yayından İtaliya millisini çalışdırır. Komanda son oyununda DÇ-2026-nın seçmə mərhələsində Norveçə uduzub (0:3)