“Tottenhem”də şok qərar: Baş məşqçi gedir, yerinə Xabi Alonso gəlir?

Londonun “Tottenhem” klubunun rəhbərliyi komandanın hazırkı baş məşqçisi Tomas Frankın istefaya göndərilməsi barədə düşünür.

News24.az xarici KİV-ə istinadla xəbər verir ki, klub rəhbərliyi hazırki məşqçini 44 yaşlı ispan mütəxəssis Xabi Alonso ilə əvəzləməyi nəzərdən keçirir.

Qeyd edək ki, “Tottenhem” hazırda İngiltərə Premyer Liqasında 14-cü pillədə qərarlaşıb.

Daha əvvəl Almaniyanın “Ayntraxt” klubunun da Xabi Alonso ilə maraqlandığı bildirilib.

Yanvarın 12-də Xabi Alonso Madridin “Real” klubunun baş məşqçisi vəzifəsindən azad edilib.