Narkotik satan şəxs məhkəmə zalında həbs edildi

Bakı Ağır Cinayətlər Məhkəməsində narkotik vasitələrin qanunsuz dövriyyəsində təqsirləndirilən Cavad Xudiyev məhkəmə zalından həbs edilib. 

News24.az-ın məlumatına görə, hakim Əhməd Quliyevin sədrliyi ilə keçirilən prosesdə hazırda evdustaqlığında olan C. Xudiyeva hökm oxunub. Məhkəmənin hökmü ilə o, 5 il azadlıqdan məhrum edilib və məhkəmə zalında həbs edilib. 

İttihama görə, C. Xudiyev Bakıda narkotik vasitələrin qanunsuz dövriyyəsi ilə məşğul olarkən hüquq-mühafizə orqanları əməkdaşları tərəfindən saxlanılıb. 

Samir Əli