Siqaret qoxusunu yox etmək üçün paltaryuyan maşına bunu əlavə edin

Evdə siqaret qoxusu xüsusilə parça səthlərə tez hopur və adi havalandırma ilə tam çıxmır.

News24.az xəbər verir ki, pərdələrdən divanlara, geyimlərdən döşəməyə qədər bütün səthlərdə qalan bu ağır qoxu həm narahatlıq yaradır, həm də daxili havanın keyfiyyətini aşağı salır. Qalıcı siqaret qoxusunu aradan qaldırmaq üçün çox sadə və təsirli üsullar var.

Ən çox tətbiq olunan və nəticəsi tez görünən metod paltaryuyan maşına sirkə əlavə etməkdir. Sirkə qoxunu neytrallaşdırır, parça liflərinə hopmuş tüstünü parçalayır. Bunun üçün yuyucu vasitə kifayət etmədikdə son durulama mərhələsində paltaryuyanın yumşaldıcı bölməsinə yarım stəkan sirkə tökmək məsləhət görülür.

Bu üsul pərdələr, yorğanlar və geyimlər kimi qoxunu ən çox saxlayan əşyalar üçün xüsusilə effektivdir. Yuyulma bitdikdən sonra əşyaları içəridə deyil, mütləq açıq havada asmaq lazımdır. Günəş və təbii hava axını qoxunun tamamilə yox olmasına və geri qayıtmasının qarşısını almağa kömək edir.