LEGO Las-Veqas Qran-prisinin qaliblərini özünəməxsus tərzdə təbrik etdi

“Formula 1”in ən yaxşı pilotları LEGO-dan hazırlanan çəhrayı “Cadillac”a miniblər. Məşhur şirkət bu şəkildə Las-Veqas Qran-prisinin qaliblərini təbrik edib.

News24.az xəbər verir ki, 418 mindən çox hissədən ibarət tam ölçülü avtomobil pilotları “Bellagio” podiumuna çatdırıb. Avtomobildə Maks Ferstappen, Lando Norris və Corc Rassell olub.

Avtomobil LEGO fabriki tərəfindən hazırlanıb. Model 1950-ci illərin klassik “Cadillac Fleetwood Sixty Special” avtomobilinə əsaslanır, təxminən iki ton ağırlığındadır, işıqları və siqnal lampaları işləyir və elektrik mühərriki ilə maksimum sürəti təxminən saatda 20 kilometrdir.