Bu şəhərlər su altında qalacaq

Alimlər qlobal istiləşmənin fəsadları ilə bağlı yeni xəbərdarlıq yayıblar. Tədqiqatçılar bildirirlər ki, dəniz səviyyəsinin qalxması və daşqınların artması nəticəsində növbəti 100 il ərzində dünyanın onlarla böyük şəhəri tamamilə su altında qala bilər.

News24.az xəbər verir ki, riskli şəhərlər sırasında Türkiyənin İstanbul və İzmir vilayətləri də yer alır.

"Swiftest" şirkətinin həmtəsisçisi Metyu H. Neş tərəfindən aparılan araşdırma göstərib ki, iqlim dəyişikliyi nəticəsində 37 iri şəhər yaşayış üçün yararsız hala düşə bilər. Araşdırmada qeyd olunur ki, bir çox sahilyanı şəhərlər hələ də effektiv müdafiə planlarına malik deyil. Bəzi dövlətlər drenaj və daşqınlara qarşı sistemlər yaratsa da, əksər ölkələrdə infrastrukturun zəifliyi səbəbindən risk ildən-ilə artır.

Mütəxəssislər bildirirlər ki, Türkiyənin iki böyük şəhəri - İzmir və İstanbul dəniz səviyyəsinin qalxması baxımından yüksək risk qrupuna daxildir. Xüsusilə İzmir körfəzi və İstanbul sahillərinin gələcəkdə daşqınlara məruz qalacağı proqnozlaşdırılır.

Ən çox risk altında olan 20 şəhər:

Vankuver – Kanada

Dubay – BƏƏ

Lissabon – Portuqaliya

Boston – ABŞ

Sidney – Avstraliya

İsgəndəriyyə – Misir

Mayami – ABŞ

San-Fransisko – ABŞ

Ho Chi Minh – Vyetnam

Dəkkə – Banqladeş

London – Böyük Britaniya

Cakarta – İndoneziya

Banqkok – Tailand

Kolkata – Hindistan

İzmir – Türkiyə

İstanbul – Türkiyə

Osaka – Yaponiya

Nyu-York – ABŞ

Mumbay – Hindistan

Tokio – Yaponiya

Tədqiqat müəllifləri qeyd edirlər ki, əgər istixana qazlarının tullantıları azaldılmazsa, 2100-cü ilə qədər dəniz səviyyəsi bir metrə qədər yüksələ bilər. Bu isə bir çox tarixi və iqtisadi mərkəzlərin tamamilə su altında qalmasına səbəb ola bilər.