Kompüterin həddindən artıq qızmasının səbəbləri açıqlandı

Kompüter ən çox düzgün yerdə yerləşdirilməyəndə və ya içərisinə toz yığılanda həddindən artıq qıza bilər.

News24.az xəbər verir ki, kompüterin qızması xüsusilə yay aylarında, havanın isti olduğu dövrdə təhlükəlidir.

Mütəxəssislər ilk növbədə kompüterin yerləşdirilməsinə diqqət yetirməyi tövsiyə edirlər. Belə ki, sistem bloku çox vaxt otağın küncündə və ya qapalı masa içərisində yerləşdirilir ki, bu da havanın normal fırlanmasına mane olur.

Həddindən artıq qızmanın digər geniş yayılmış səbəbi soyutma sisteminin kifayət qədər effektiv olmamasıdır. Məsələn, zəif ventilyator və ya qurumuş termopasta istiliyin düzgün şəkildə xaric edilməsinə mane olur.

Yüksək məhsuldar, çalışqan kompüterlər üçün adətən su ilə soyutma kimi daha güclü sistemlərdən istifadə edilir. Bəzi hallarda isə prosessorun və ya videokartın sürətinin artırılması da kompüterin həddindən artıq isinməsi ilə nəticələnə bilər.

"Normadan artıq modernləşdirmə kompüterinizi yararsız metal yığınına çevirə bilər", – deyə bildirilib.

Mütəxəssislərin sözlərinə görə, köhnəlmiş drayverlər və ya əməliyyat sisteminə yoluxmuş viruslar da kompüterin yüksək yüklə işləməsinə və nəticədə güclü qızmasına səbəb ola bilər.