Koreyalıların gecə ağızlarını bağlamasının sirri görün nə imiş

Son illərdə sosial mediada sürətlə yayılan “yatarkən ağzı bağlamaq” praktikası əslində yeni trend deyil. Koreyalılar da daxil olmaqla bir çox Şərq mədəniyyətində bu üsulun kökləri yüzillərlə, hətta minillərlə qədim nəfəs texnikalarına dayanır.

News24.az xəbər verir ki, koreyalıların yatarkən ağızlarını bağlamasının səbəbi burun nəfəsinin bədəndə enerji axınını tənzimlədiyi və yuxu keyfiyyətini artırdığı düşüncəsidir.

Bu gün ağız bantlama daha çox xoruldamanın azalması, ağız quruluğunun qarşısının alınması və rahat yuxu üçün tətbiq edilirsə, əslində yoqa və qədim Çin təbabətində burunla nəfəs alma əsas prinsip hesab olunurdu.

Ağızdan nəfəs almanın sağlamlığa təsiri 19-cu əsrdə elmi müzakirələrə daxil olub. Amerikalı rəssam və tədqiqatçı Corc Catlin yerli Amerika qəbilələrini araşdırarkən burun nəfəsinin həyat keyfiyyətinə ciddi təsir etdiyini yazmışdı. 1900-cü illərin əvvəllərində isə ortodontistlər və pediatrlar ağızla nəfəs alan uşaqlarda diş forması pozuntuları, dar çənə və uzun üz tipinin daha çox rast gəldiyini bildirirdilər.