Meymunlarla insanları birləşdirən 15 milyon illik oxşarlıq

İnsanabənzər meymunlar təxminən 15 milyon il əvvəl də insanlarda olan ritmdə gülürdülər.

News24.az xarici xəbər verir ki, bu, Varvik Universitetinin alimlərinin araşdırması nəticəsində bəlli olub.

Bu kəşf insan nitqinin təkamülünü anlamağa kömək edə bilər.

Tədqiqat çərçivəsində alimlər insanabənzər meymunların dörd növünün – oranqutanların, qorillaların, bonoboların və şimpanzelərin, eləcə də insanların gülüş səslərinin yazılarını təhlil ediblər.

Ümumilikdə 140 gülüş epizodu araşdırılıb.

Nəticələr göstərib ki, müxtəlif növlərdə ümumi bir xüsusiyyət qorunub saxlanılıb: gülüş səsləri bərabər və ritmik şəkildə tənzimlənən intervallarla yaranır.

Alimlər hesab edirlər ki, bu quruluş insanlarla insanabənzər meymunların təxminən 15 milyon il əvvəl yaşamış ortaq əcdadında formalaşıb və o vaxtdan bəri demək olar ki, dəyişməyib.

Bununla yanaşı, növlər arasında fərqlər də mövcuddur. İnsanlarda gülüş daha sürətli, daha müxtəlif və vəziyyətdən asılı olaraq daha çevik şəkildə idarə olunur.

Digər primatlardan fərqli olaraq, insanlar gülüşlərini şüurlu şəkildə nəzarətdə saxlaya bilirlər.

Tədqiqatçıların fikrincə, səs reaksiyalarına nəzarət qabiliyyətinin inkişafı nitqin təkamülündə həlledici mərhələ olub.

Gülüş isə səsli ünsiyyətin daha qədim forması kimi mürəkkəb dilin yaranması üçün zəruri bacarıqların necə formalaşdığını izləməyə unikal imkan yaradır. / Communications Biolog/