Ən qayğıkeş insanlar bu aylarda doğulur – astroloqlar açıqladı

Astroloqların fikrincə, insanın doğulduğu ay onun xarakteri və ətrafındakılara ötürdüyü enerji ilə əlaqəli ola bilər. Bəzi aylarda doğulan insanlar empatiya, qayğıkeşlik və başqalarına dəstək olmaq xüsusiyyətləri ilə daha çox seçilirlər.

News24.az xəbər verir ki, bu barədə "Parade" jurnalı yazıb.

Nəşrin məlumatına görə, iyul ayında doğulanlar səmimiyyətləri və ətrafdakılara rahatlıq hissi bəxş etmələri ilə fərqlənirlər. Mart ayında dünyaya gələnlər isə həssas olmaqla yanaşı, yaxınlarını qorumaq və çətin anlarda onların yanında olmaq bacarığına malikdirlər.

Oktyabrda doğulanların emosional dərinliyə və güclü müşahidə qabiliyyətinə sahib olduqları, insanların hisslərini daha yaxşı anlamağa kömək etdikləri bildirilir. Sentyabr ayında doğulanlar isə praktik düşüncələri, müdrik məsləhətləri və problemlərin həllində göstərdikləri dəstəklə seçilirlər.