Pişiklər sahiblərini aciz görürlər - Buna görə də...

Pişiklər ovladıqları siçan, quş və ya başqa heyvanları evə gətirir. Mütəxəssislər bu davranışın arxasında nə dayandığını izah ediblər.

News24.az “Novate: Həyat üçün ideyalar” bloquna istinadən xəbər verir ki, pişiklər sosial varlıqlardır. İnsanla birgə yaşasalar belə, öz kiçik “ailələrini” formalaşdırırlar və maraqlıdır ki, bu ailədə özlərini əsas hesab edirlər.

Sahibi isə onların gözündə bir az aciz ailə üzvüdür və kömək olmadan özünə yem tapa bilməz.

Məhz buna görə pişik ovunu evə gətirəndə səmimi şəkildə qayğı və diqqət nümayiş etdirir.

Bundan əlavə, pişiklər bu davranışı ilə ovçuluq bacarığını nümayiş etdirməyə və “ailə” daxilində statusunu möhkəmləndirməyə çalışır.

Bu halda pişik sahibləri necə davranmalıdır?

Ev heyvanını danlamayın. Pişik üçün ov gətirmək sevgi və qayğı göstərmək deməkdir.

Pişiyin gətirdiyi ovun sizə lazım olmadığını açıq şəkildə göstərməyin. Onu dərhal götürməyin. Pişik görmədən uyğun anda yığışdırın.

Ovun qoyulduğu yeri dezinfeksiya edin və əllərinizi diqqətlə yuyun.

Bu cür “sürprizləri” anlayışla qəbul edin. Bu zaman ev heyvanınızla münasibətləriniz daha isti olacaq.