"Squid Game"ə yeni rəqib gəlir

Yaponiyanın Meiji dövründən bəhs edən “Son sağ qalan samuray” serialı izləyicilərin diqqətini çəkib və “Squid Game” üçün yeni rəqib olaraq göstərilir.

News24.az-ın məlumatına görə, serial ənənə ilə modernləşmə arasındakı qarşıdurmanı göstərir və bu baxımdan uğurlu hesab olunur. Serial Kyotoda keçirilən “Kodoku” adlı ölüm oyunu, sağ qalan son samurayın qalib gəldiyi “battle royale” tipli turnir formatına əsaslanır.

Əsas qəhrəman Shujiro Saga keçmiş samuraydır. Ailəsinə yardım etmək, həyatını qorumaq üçün o, turnirə qatılır. Yarış boyunca döyüşlər və qılınc dueləri izləyicilərə təqdim olunur.

Altı bölümdən ibarət olan serial Yaponiyaya məxsus samuray ənənəsi, qılınc döyüşləri və ölüm oyunu konseptini birləşdirərək maraqlı izləmə təcrübəsi təqdim edir.