Bu qidalar yaddaşı gücləndirir

Bızi güclü qidalar iltihabı azaldır, beyin hüceyrələrinin funksiyasını dəstəkləyir, diqqəti artırır və hətta yaşla bağlı zehni geriləməni yavaşladır. Buna görə də bu qidaları gündəlik rasionunuza daxil etmək zamanla yaddaşınızı və beyin sağlamlığınızı əhəmiyyətli dərəcədə yaxşılaşdıra bilər.

News24.az yaddaşı gücləndirən qidaları təqdim edir:

Maqnezium 

Maqnezium beynin funksiyasında və əhval-ruhiyyənin tənzimlənməsində mühüm rol oynayır. Beyin hüceyrələri arasında əlaqə yaradan neyrotransmitterlərin aktivləşməsinə kömək edir. Orqanizmdə maqnezium səviyyəsi aşağı olduqda, bu hal zəif diqqət, narahatlıq və yaddaş problemləri ilə əlaqələndirilir. Maqnezium həm də neyroplastikliyi dəstəkləyir – bu, beynin uyğunlaşma, inkişaf qabiliyyətidir.

Maqnezium baxımından zəngin qidalar:  

• yarpaqlı yaşıl tərəvəzlər, 
• qoz-fındıq, 
• toxumlar və tam taxıllardır. 

OMEQA-3 YAĞ TURŞULARI

Xüsusilə DHA (dokosaheksaenoik turşu) beyinin quruluşu və sağlam fəaliyyəti üçün vacibdir. Hüceyrə membranlarının formalaşmasına kömək edir və beyin hüceyrələri arasında əlaqəni dəstəkləyir. 2022-ci ildə Nutrients jurnalında yayımlanan bir araşdırma, omega-3 yağ turşularının müntəzəm istehlakının öyrənmə qabiliyyəti, yaddaş, idrak sağlamlığı və beyin qan dövranını artırdığını göstərib. Bu sağlam yağlar beyindəki iltihabı azaldır və Alzheimer kimi neyrodegenerativ xəstəliklərin riskini azalda bilər.

Omega-3 baxımından zəngin qidalar:

• somon kimi yağlı balıqlar, 
• chia toxumu və qozdur.

YAŞIL ÇAY

Kateşinlər yaşıl çayda olan antioksidantlardır. Onlar sərbəst radikalları zərərsizləşdirir, oksidativ stresi azaldır və beyin hüceyrələrini zərərdən qoruyur. Həmçinin, beyinə gedən qan axınını yaxşılaşdırır, bu da zehni aydınlığı və oyanıqlığı dəstəkləyir. Müntəzəm yaşıl çay içmək yaddaşı yaxşılaşdıra və idrak zəifləməsi riskini azalda bilər.

E VİTAMİNİ

E vitamini yağda həll olunan antioksidantdır və beyin hüceyrələrini oksidativ stressdən qoruyur. E vitamini hüceyrə membranlarını qoruyaraq və yaşla bağlı zədələri azaldaraq beyin sağlamlığını dəstəkləyir. 2014-cü ildə aparılan bir araşdırma, E vitaminini daha çox qəbul edən şəxslərdə (qida və ya əlavələr vasitəsilə) illik idrak zəifləməsinin daha az olduğunu göstərib.

E vitamini baxımından zəngin qidalar:

• qoz-fındıq, 
• toxumlar, 
• ispanaq və avokadodur.

D VİTAMİNİ

Çox vaxt “günəş vitamini” olaraq tanınan D vitamini beynin düzgün inkişafı və fəaliyyəti üçün vacibdir. Düşük D vitamini səviyyəsi əhval pozğunluqları, yaddaş itkisi və daha yüksək demensiya (ağıl zəifləməsi) riski ilə əlaqələndirilir. D vitamini sinir sistemini tənzimləyir və beyin hüceyrələri arasında rabitəni dəstəkləyir. Gündəlik ehtiyac günəş işığı ilə qarşılana bilər, lakin yağlı balıqlardan, zənginləşdirilmiş qidalardan və əlavələrdən də alınması mümkündür.

Günel Məlikzadə