Dərmansız baş ağrısına son: Təbii üsul

Qış aylarında baş, oynaq ağrısı və iltihabla mübarizə aparan milyonlarla insan üçün sadə bir qida dəyişikliyi ümid yaradır. Adi duru yağ əvəzinə zeytun yağından istifadə etmək iltihabı azalda və ağrını yüngülləşdirə bilər.

News24.az xəbər verir ki, mütəxəssislərin sözlərinə görə, zeytun yağının tərkibində olan oleokantal adlı təbii maddə orqanizmdə iltihab siqnallarını zəiflədərək bəzi ağrıkəsicilər kimi təsir göstərir. Bu maddə bədəndə ağrıya səbəb olan fermentlərin fəaliyyətini azaldaraq rahatlıq yaradır.

Mütəxəssislər sızma zeytun yağının təkcə ürək sağlamlığı üçün deyil, həm də oynaq sağlamlığı üçün faydalı olduğunu bildiriblər. Onların sözlərinə görə, gündə 2–3 xörək qaşığı zeytun yağı qəbul etmək iltihab əleyhinə təsir göstərə bilər.

Araşdırmalara əsasən, zeytun yağının tərkibindəki antioksidantlar oynaq sərtliyini və ağrını azalda bilir. Lakin həkimlər vurğulayırlar ki, bu üsul müalicənin əvəzi deyil, yalnız təbii və təhlükəsiz dəstək vasitəsi kimi faydalıdır.