Gündə bir meyvə yeməyin faydaları

Hər gün yalnız bir meyvə yemək bədəni gücləndirir və xəstəliklərdən qoruyur.

News24.az xəbər verir ki, tədqiqatlara görə, meyvələr immunitet sistemini möhkəmləndirir, ürək xəstəlikləri riskini azaldır və maddələr mübadiləsini yaxşılaşdırır. Harvard Universitetinin araşdırmasına görə, gündə 1–2 qab meyvə yeyən şəxslərin erkən ölmə riski 20% azdır.

Meyvələr ürək və damar sağlamlığı üçün faydalıdır, təzyiqi tənzimləyir və damarları möhkəmləndirir. C vitamini və antioksidantlar bədəni infeksiyalardan qoruyur, həzm sistemini dəstəkləyir və bağırsaqları sağlam saxlayır. Eyni zamanda, dərinin parlaq və canlı görünməsinə kömək edir.

Hər gün meyvə yemək stres və narahatlığı azaldır, ruh halını yaxşılaşdırır. Hətta gündə bir meyvə belə bədəndə zəncirvari yaxşılıqlar irəliləyiş yaradır. Qan şəkəri tarazlanır, həzm normallaşır və immunitet güclənir.

Xeyrənsə Piriyeva