Hər gecə melatonin qəbul edirsiniz? Ürək çatışmazlığı riski arta bilər

Son araşdırmalar göstərir ki, uzunmüddətli və müntəzəm melatonin istifadəsi ürək çatışmazlığı riskini 90%-ə qədər artırır. Xüsusilə 1 ildən uzun müddətdə melatonin qəbul edən şəxslərdə ürək çatışmazlığı səbəbindən xəstəxanaya yerləşdirmə nisbəti əhəmiyyətli dərəcədə yüksəlib.

News24.az xəbər verir ki, ABŞ-də təxminən 130.000 xəstənin məlumatları əsasında aparılan araşdırmada, melatonin istifadə edən qrupda ürək çatışmazlığı nisbəti təxminən 19%, istifadə etməyən qrupda isə 6,5% olub. Eyni zamanda, ümumi ölüm nisbəti iki dəfə, xəstəxanaya qəbul nisbəti isə üç dəfə yüksək olub.

Mütəxəssislər bildirirlər ki, melatoninin uzunmüddətli istifadəsi orta və uzun perspektivdə mənfi təsirlər göstərə bilər və həkim nəzarəti olmadan qəbul edilməməlidir.

Nilufər