Səhər oyanan kimi bunları edin! – Zehni gücləndirən 5 QIZIL QAYDA

Mütəxəssislər bildirirlər ki, beyin sağlamlığını qorumaq və intellektual potensialı artırmaq üçün səhər saatlarında formalaşdırılan vərdişlər həlledici əhəmiyyət kəsb edir.

News24.az xəbər verir ki, aparılan son araşdırmalara əsasən, gündəlik sadə rituallar həm yaddaşı, həm də ümumi idrak funksiyalarını yaxşılaşdıra bilər.

Mütəxəssislər güclü bir zehn üçün ilk növbədə, su balansının bərpa edilməsini vacib sayırlar. Belə ki, oyanan kimi bir stəkan su içmək gecə boyu itirilən mayeni kompensasiya edərək beynin daha sürətli işləməsinə şərait yaradır. Bununla yanaşı, səhər saatlarında təbii gün işığına məruz qalmaq bədənin bioloji saat ("circadian rhythm") sistemini tənzimləyir ki, bu da gün ərzində yüksək enerji, gecə isə keyfiyyətli yuxu deməkdir.

Zehni yüklənmənin qarşısını almaq üçün günün ilk saatlarında telefon və kompüterdən uzaq durmaq, sosial ünsiyyətə üstünlük vermək tövsiyə olunur. Eyni zamanda, yüngül fiziki aktivlik və ya gimnastika beyin fəaliyyətini stimullaşdıraraq idrak qabiliyyətləri ("cognitive abilities") səviyyəsini yüksəldir. Nəhayət, qida maddələri ilə zəngin səhər yeməyi qan şəkərini tənzimləyərək beyinə lazımi enerjini ötürür və şəkərli qidalardan qaçmaqla diqqət dağınıqlığının qarşısını almaq mümkündür.