Derimod-un “Vision 2030” yolunda yeni mərhələ: Bakı

Türkiyənin dəri gödəkçə, ayaqqabı və çanta kateqoriyalarında bazar lideri olan Derimod 50 ildən artıq brend tarixini və pərakəndə satış təcrübəsini beynəlxalq böyümə strategiyasına daşıyır.

“Vision 2030” strategiyası çərçivəsində Azərbaycanı prioritet bazarlarından biri kimi müəyyənləşdirən brend Bakıda fəaliyyət göstərən dörd mağazası ilə yeni mərhələyə qədəm qoyur.

Türkiyədə formalaşdırdığı güclü brend imicini, məhsul çeşidini və əməliyyat təcrübəsini seçici və nəzarətli böyümə yanaşması ilə xarici bazarlara daşıyan Derimod Azərbaycanı mədəni yaxınlıq, oxşar istehlak vərdişləri və yüksək brend tanınması səbəbindən strateji bazarları sırasında görür.

Bakının Gənclik Mall, Crescent Mall, Dəniz Mall və City Park Mall ticarət mərkəzlərində yerləşən dörd mağazası ilə öz pərakəndə satış şəbəkəsini quran Derimod bu investisiyanı tamamilə öz vəsaiti hesabına həyata keçirib.

Türkiyədə formalaşdırdığı mağazaçılıq standartlarını və müştəri təcrübəsini azərbaycanlı istehlakçılara təqdim edən brend dəri gödəkçə, ayaqqabı və çanta kateqoriyalarındakı geniş kolleksiyası ilə müxtəlif zövq və ehtiyaclara cavab verir.

Zamansız dəri dizaynlarını müasir moda anlayışı ilə birləşdirən Derimod keyfiyyət, zəriflik və qiymət balansını ön planda saxlayaraq Azərbaycan bazarında davamlı brend mədəniyyəti formalaşdırmağı hədəfləyir.

Yeni mövsüm kolleksiyaları və mağazaları ilə Bakıdakı mövqeyini gücləndirən brend modaya və keyfiyyətə önəm verən istehlakçılara yüksək səviyyəli alış-veriş təcrübəsi təqdim etməyi qarşısına məqsəd qoyub.

Derimod-un İcraiyyə Şurasının sədri Murat Zaim Azərbaycana yatırılan investisiyalarla bağlı açıqlamasında bildirib:

“Derimod olaraq beynəlxalq böyümə yolumuzda yeni mərhələnin qapılarını Bakıda açırıq. Azərbaycanı yalnız yeni mağazalar açacağımız bazar kimi deyil, uzunmüddətli dəyər yaradacağımız və güclü brend mədəniyyəti formalaşdıracağımız strateji mərkəz kimi görürük.

Bizim üçün xaricdə böyümək Türkiyədəki investisiyalarımıza alternativ deyil. Bu, 50 ildən artıq müddətdə formalaşdırdığımız gücü yeni coğrafiyalara daşımağın bir yoludur.

Bu səbəbdən prioritetimiz sürətlə böyümək deyil, düzgün biznes modeli quraraq davamlı uğur əldə etməkdir.

İnanırıq ki, “Vision 2030” çərçivəsində atdığımız bu addım Derimod-un regional miqyasda daha güclü brendə çevrilməsində mühüm rol oynayacaq”.

Derimod Bakını yalnız Azərbaycan bazarının mərkəzi kimi deyil, həm də yaxın regionlarda yaranacaq böyümə imkanları baxımından strateji mərkəz olaraq qiymətləndirir.

Türkiyədən gələn təcrübəli əməkdaşlarını yerli bazarı yaxından tanıyan komandalarla birləşdirən brend hazırda təxminən 30–35 nəfərlik heyətlə fəaliyyətini davam etdirir.

“Vision 2030” hədəflərinə uyğun olaraq, onlayn alış-veriş infrastrukturu ilə dəstəklənən 10 mağazalıq şəbəkənin qurulması və işçi sayının təxminən 100 nəfərə çatdırılması planlaşdırılır.

Derimod-un əsas prioriteti yalnız mağazaların sayını artırmaq deyil. Brend öz mövqeləndirməsinə, zəngin kolleksiyalarına və mağazacılıq təcrübəsinə uyğun strateji məkanlarda dayanıqlı böyüməni təmin etməyi qarşısına məqsəd qoyur.

Türkiyədə 50 ildən artıqdır davam edən Derimod hekayəsi indi Bakıda yeni mövsüm kolleksiyaları, yeni mağazalar və yeni hədəflərlə böyüməyə davam edir.