Almatıda nə baş verir? - Tokayevdən gözlənilməz qərar

Qazaxıstan Prezidenti Kasım-Jomart Tokayev Almatı şəhərinin akimi (mer) Yerbolat Dosayevin tutduğu vəzifədən azad edilməsi haqqında sərəncam imzalayıb.

News24.az Teleqraf-a istinadla xəbər verir ki, bu barədə dövlət başçısının mətbuat xidməti məlumat yayıb.

Qərarın səbəbləri açıqlanmayıb. Bu günlərdə Dosayev Baş nazir Oljas Bektenovu Almatıya səfərində müşayiət etmişdi.

Mayın 23-də Almatı Şəhər Şurasının saytında akimin təyinatına razılıq vermək üçün şənbə günü deputatların iclasının keçiriləcəyi barədə elan yayılmışdı.

İki milyon əhalisi olan Almatı Qazaxıstanın ən böyük şəhəridir.

Dosayev 2022-ci ilin yanvarından bu vəzifəni icra edirdi. Bundan əvvəl o, müxtəlif vaxtlarda Qazaxıstan Milli Bankının sədri, baş nazirin müavini, nazir olub.