Ətraf mühiti çirkləndirən şəxslər barəsində tədbir görülüb

Göyçayda polis əməkdaşları tərəfindən sanitar-gigiyena qaydalarının pozulması hallarının qarşısının alınması məqsədilə nəzarət-profilaktik tədbirlər davam etdirilir.

DİN-in Mətbuat Xidmətinin Şəki regional qrupundan bildirilib ki, görülən tədbirlərlə rayonun Bığır kəndində məişət tullantılarının qalaqlanması faktı aşkarlanıb. Qeyd olunan ərazinin təmizlənməsi təmin olunub və 8 saylı Regional Ekologiya və Təbii Sərvətlər İdarəsinin əməkdaşları tərəfindən müvafiq akt tərtib edilib. 

Həmçinin, məişət tullantılarını urnalardan kənara atan şəxslər müəyyən olunaraq barələrində inzibati tənbeh tədbirləri görülüb.