Naxçıvanda iki xanım nazir müavini işdən çıxarıldı

Naxçıvan Muxtar Respublikası səhiyyə nazirinin müavinləri işdən çıxarılıblar.

News24.az "Report"-a istinadən xəbər verir ki, bununla bağlı aprelin 10-da muxtar respublika Ali Məclisi sədrinin birinci müavini, sədrin səlahiyyətlərini icra edən Azər Zeynalov sərəncamlar imzalyıb.

Sərəncamlara əsasən, Samrat Nurəddin qızı Gəncəyeva və Zeynəb Natiq qızı Mənsimova Naxçıvan Muxtar Respublikası səhiyyə nazirinin müavini vəzifəsindən azad ediliblər.