Bu qidalar uşaqlarda qan azlığı yaratmır

"Taxıl bitkilərindən olan sıyıqların uşaqlara verilməsi məsləhətlidir".

News24.az xəbər verir ki, bunu Səhiyyə Nazirliyinin mütəxəssis eksperti, pediatr Tərlan Əyyubov deyib.

Onun sözlərinə görə, uşaqlarda qan azlığı yaranmaması üçün onlara tərkibində dəmir olan məhsullardan hazırlanan sıyıqlar verilməlidir:

" Kukruz, qarabaşaqdan hazırlanan sıyıqlar uşaqlar üçün faydalıdır. Həmin məhsulların tərkibi dəmirlə zəngindir. Ət və ət məhsulları, bulyonlar, yumurta, tərəvəz və meyvələrdən də mütəmadi olaraq istifadə etmək lazımdır". 

Həkim əlavə edib ki, tərkibində dəmir olan preparatların həddindən artıq qəbulunun arzuolunmaz nəticələri  ola bilər.

Qumral Əliyeva