Ərdoğan misirli həmkarı ilə seçkilərdən sonra görüşəcək

Türkiyə Prezidenti Rəcəb Tayyib Ərdoğanla misirli həmkarı Əbdülfəttah əs-Sisinin görüşü Türkiyədə 14 mayda baş tutacaq prezident seçkilərindən sonra yaxın bir zamanda keçirilə bilər.

News24.az-ın xəbərinə görə, bu barədə Türkiyə xarici işlər naziri Mövlud Çavuşoğlu “Haber Türk” kanalına müsahibəsində bildirib.

Nazir qeyd edib ki, Misirlə münasibətlərin normallaşması prosesi son dərəcə müsbət şəkildə davam edir, tərəflər həm siyasi, həm də iqtisadi və mədəni əlaqələrin bərpa olunmasına dair razılıq əldə edib.