Ər-arvad bir gecədə intihar etdi - Övladları olmurdu

Hacıqabul rayonunda ərlə arvad özünü öldürüb.

Hadisə fevralın 15-də rayonun Kolanı kəndində baş verib.

Kənd sakini, 1982-ci il təvəllüdlü Sahib Zaməddin oğlu Rəsulov yaşadığı evin həyətində özünü ağacdan asaraq öldürüb. Hadisədən bir neçə saat sonra onun həyat yoldaşı, 1985-ci il təvəllüdlü Əfsanə Ənzəli qızı Mayılova da atasının evindən ərinin intihar etdiyi evə gəlib və orada özünü asaraq intihar edib.

Fatkla bağlı Hacıqabul rayon prokurorluğunda araşdırma aparılır.

Qeyd edək ki, sosial şəbəkələrdə xeyli vaxtdır ailə quran cütlüyün uşaq sahibi ola bilmədikləri qeyd olunub. Bu səbəbdən ər-arvad yaxınlarının təzyiqi ilə ayrılmaq qərarına gəlib. Daha sonra isə bu faciə baş verib.

//Qafqazinfo