Alimlərdən DNT ilə bağlı böyük kəşf

ABŞ alimləri DNT ilə bağlı maraqlı kəşf ediblər.

News24.az xəbər verir ki, araşdırmaya əsasən, DNT nümunələri insanın çimdiyi sudan, havaya qarışan nəfəsindən, çimərlikdəki ayaq izindən, hətta dənizdə üzən zaman ağızdan suya qarışan ağız suyundan da götürülə bilər.

Araşdırma çərçivəsində 6 nəfərin çalışdığı 280 kvadratmetrlik heyvan klinikasından götürülən hava nümunələrinin tədqiqində işçi heyətin və heyvanların DNT-lərinin aşkar edilərək uyğunlaşdırıla bildiyi müşahidə edilib.

Sözügedən kəşfin itkin düşmüş insanların axtarışında kömək edəcəyi bildirilsə də, verəcəyi zərərlər də istisna edilməyib. 

Bildirilib ki, bu yolla məxfiliyin pozulması, yerin izlənilməsi, məlumatların toplanması, fərdlərin və ya populyasiyaların genetik izlənməsi asanlaşa bilər./Haber Global/