Çavuşoğludan Türk Evinə hücumla bağlı açıqlama

ABŞ-dan Nyu Yorkdakı Türk Evinə hücumun səbəbkarlarını tez bir zamanda müəyyənləşdirməsini gözləyirik.

News24.az xəbər verir ki, bunu Türkiyənin xarici işlər naziri Mövlud Çavuşoğlu Tvitter hesabında bildirib.

"Biz ABŞ-dan hücumun səbəbkarlarını tezliklə müəyyənləşdirməsini və ev sahibi ölkə kimi diplomatik nümayəndəliklərimizə lazımi müdafiəni təmin etməsini gözləyirik", - Çavuşoğlu qeyd edib.

Qeyd edək ki, Nyu Yorkda Türkiyə Baş Konsulluğunun yerləşdiyi Türk Evinə hücum olub. Binanın hər bölməsində şüşələr sındırılıb. Türkiyədə prezident seçkisi üçün səsvermə məhz bu binada keçirilir.