"Xüsusi qayğıya ehtiyacı olan uşaqlarla 1 gün" - FOTOLAR

Autizm Assosiasiyasının təşkilatçılığı, "Paşa Holdinq", "Dənizkənarı Bulvar İdarəsi", "Baş Dövlət Yol Polisi İdarəsi", "Azərçay", "İdman TV", "Könüllü Dost", "Mcdonalds Azərbaycan", "Vertera", "Azfest Group" və "ADMEDİA"nın dəstəyi ilə 1 iyun - Uşaqların Beynəlxalq Müdafiəsi Gününə həsr edilmiş "Xüsusi qayğıya ehtiyacı olan uşaqlarla 1 gün" adlı tədbir keçirilib. 

Dənizkənarı Bulvarda keçirilən tədbirdə millət vəkili Vüqar İsgəndərov, Baş Dövlət Yol Polisi İdarəsinin yüksək rütbəli əməkdaşları, Baki şəhəri Gənclər və idman idarəsinin rəisi Raqif Abbasov, Dənizkənarı Bulvar İdarəsinin nümayəndəsi, əməkdar artist Bəhram Bağırzadə valideynlər  və uşaqlar iştirak ediblər.

Daha sonra musiqi sədaları altında rəqs edən xüsusi qayğıya ehtiyacı olan uşaqlar, həmçinin müxtəlif idman növləri üzrə bacarıqlarını nümayiş etdiriblər. Bundan əlavə, iştirakçılar uşaqların hazırladığı əl işləri ilə tanış olub, onların fəaliyyətlərini yaxından tanış olublar. Sonda sponsorlar tərəfindən uşaqlar üçün hədiyyələr paylanılıb.