Boşanmaq istəyən arvadını ölümlə hədələdi

Rusiya vətəndaşı olan, əslən Füzuli rayonunun İşıqlı kənd sakini, 10.09.1986-cı il təvəllüdlü Quliyev Ruslan Rəcəb oğlu iddiaya görə ondan boşanmaq istəyən həyat yoldaşını ölümlə təhdid edib. Bununla bağlı sosial şəbəkədə görüntülər yayılıb.
 
News24.az "oxu.az"a istinadən xəbər verir ki, R.Quliyevin təzyiq və işgəncələrinə dözməyən qadın boşanmaq istəyini bildirərək atası evinə qayıdıb. İddia olunur ki, R.Quliyev qadının ata evinə hücum edərək onu təhdid edib.
 
Görüntüdən məlum olur ki, artıq məsələ ilə bağlı hüquq-mühafizə orqanları tərəfindən tədbirlər görülüb.