Polkovnik-leytenantı ildırım vurdu, vəziyyəti ağırdır

Gürcüstan Müdafiə Qüvvələrinin artilleriya batalyonunun komandiri, polkovnik-leytenant Qoderdzi Aprasidzeni Orfolo poliqonunda ildırım vurub.

News24.az xəbər verir ki, bu barədə ölkənin Müdafiə Nazirliyi məlumat yayıb.

Məlumata görə, zərərçəkənə yerindəcə tibbi yardım göstərilib, sonra Axaltsixdəki xəstəxanaya aparılıb və reanimasiyaya yerləşdirilib.

Hərbçinin vəziyyəti kritikdir, lakin həkimlər hemodinamik göstəriciləri stabilləşdirə biliblər.

Hadisə ilə bağlı hərbi polis tərəfindən araşdırma aparılır./publika/