Avstraliyadan Ukraynaya 73,4 milyon dollarlıq hərbi yardım

Avstraliya hakimiyyəti Ukraynaya 73,4 milyon dollar məbləğində növbəti maliyyə yardımı edəcək.

News24.az xəbər verir ki, ölkənin baş naziri Entoni Albanese maliyyə yardımı hərbi texnikalara və döyüş sursatlarına xərclənəcək.

"Ukrayna Avstraliyaya arxalana bilər, biz bu ölkəni dəstəkləməyə davam edəcəyik ki, onun suverenliyi və ərazi bütövlüyü zəfər çalsın" - deyə Albanese bildirib. 

Güman edilir ki, Avstraliya Ukrayna Silahlı Qüvvələri üçün 28 ədəd "M113" zirehli texnikası, 14 xüsusi təyinatlı maşın və 28 "MAN 40M" yük maşını, həmçinin 105 mm-lik artilleriya mərmiləri alacaq.

Daha 6,7 milyon dollar ukraynalılara humanitar yardım üçün BMT-yə göndəriləcək. /TASS/