Priqojin: "Vaqner" fəaliyyətini dayandırır

Bu yaxınlarda "Vaqner" Ukraynada yaxşı nəticələr əldə etdi, ən ciddi tapşırıqları yerinə yetirdi. Lakin intriqalar, düşünülməmiş qərarlar nəticəsində bu bölmə 2023-cü il iyulun 1-də fəaliyyətini dayandıracaq.

News24.az xəbər verir ki, bunu "Vaqner"in rəhbəri Yevgeni Priqojin deyib.

"Komandirlər şurası toplandı və bu məlumatı döyüşçülərin diqqətinə çatdırdıq. Heç kim Müdafiə Nazirliyi ilə müqavilə imzalamağa razı olmadı.

24 saat davam edən bütün yürüşdə bir kolon Rostova, digəri isə Moskva istiqamətində getdi. Gün ərzində 780 kilometr yol qət etdik. Biz hava qüvvələrinə zərbələr endirməyə məcbur olduq. Bu müddət ərzində yol kənarında olan bütün hərbi obyektlər bağlanaraq zərərsizləşdirilib. "Vaqner" döyüşçüləri arasında öz istəkləri ilə Müdafiə Nazirliyindən ayrılıb bizə qoşulan bir neçə nəfər yaralanıb və iki nəfər həlak olub. "Vaqner" döyüşçülərinin heç biri bu kampaniyaya məcbur edilmədi. Hamı onun son məqsədini bilirdi", - o bildirib.