Netanyahu: İsrail silahları Ukraynada ələ keçirilib İrana verilə bilər

İsrail silahlarını Ukraynaya tədarük etməkdən çəkinir. Çünki onların İranın əlinə keçə biləcəyindən ehtiyatlanır.

News24.az xəbər verir ki, bu sözləri “Voll Strit Jurnal”a müsahibəsində İsrailin Baş naziri Benyamin Netanyahu deyib.

O bildirib ki, Vaşinqton və Kiyevin Ukrayna ordusuna silah tədarükü ilə bağlı müraciətləri rədd edilib:

“Bizim narahatlığımız var ki, məncə, Ukraynanın Qərb müttəfiqlərindən heç birinin belə bir narahatlığı yoxdur. İsrail silahların Ukraynada ələ keçirilərək İrana verilə biləcəyindən ehtiyat edir. Xüsusilə, söhbət İsrailin ABŞ ilə birgə hazırladığı Dəmir günbəz hava hücumundan müdafiə sistemindən gedir. Əgər bu sistem İranın əlinə keçsə, milyonlarla israilli müdafiəsiz və təhlükə altında qalacaq”.