Ermənistanda Azərbaycan dili tədris olunan məktəblərin sayı açıqlandı

2022-2023-cü tədris ilində Ermənistanda 12 məktəbdə Türk dili, 4 məktəbdə isə Azərbaycan dili tədris olunub. 

News24.az xəbər verir ki, bu barədə Ermənistanın Daxili İşlər və Rabitə Nazirliyi məlumat yayıb.

Nazirlik onu da vurğulayıb ki, yalnız 10-12-ci sinif şagirdləri Azərbaycan və Türk dillərini öyrənirlər. Həmçinin bildirilir ki, 2022-2023-cü tədris ilində 33 dövlət təhsil müəssisəsində regional dil hazırlığı təşkil olunub, onlardan 13-də fars, 3-də gürcü, 12-də Türk və 4-də Azərbaycan dili öyrənilməsinə başlanılıb. “Mxitar Heratsi” tədris kompleksinin orta və ali məktəblərində isə dörd dilin hamısI tədris olunur.

Daha 400 məktəb yaxın gələcəkdə regional dillərin (türk, azərbaycan, gürcü və iran) tədrisinə başlamaq istəklərini bildiriblər. Lakin idarə bu və ya digər dili seçən məktəblərin sayı barədə məlumat verməyib.

Akqabay