Moskva təşvişdə: rusları fransız raketləri ilə vuracaqlar

Fransa artıq Ukraynanı SCALP uzaqmənzilli raketlərlə təchiz edib.

News24.az xəbər verir ki, bu barədə “France-Presse” hərbi mənbəyə istinadən məlumat yayıb.

Agentlik həmsöhbətinin sözlərini sitat gətirib: “İlk raketlər prezident Makronun açıqlaması ilə eyni vaxtda çatdırılıb”. Mənbə ötürülən sursatın miqdarını “əhəmiyyətli” adlandırıb, onlar “qeyri-Qərb hərbi təyyarələri ilə birləşdiriləcək”.

“Paris raketlərin tədarükünü münaqişənin eskalasiyası hesab etmir”, mənbə bildirib.

Bundan əlavə, iddia edilir ki, Kiyev Parisə raketlərin yalnız Ukraynanın “beynəlxalq tanınmış sərhədləri” daxilində istifadə ediləcəyinə dair zəmanət verib. “Reuters”in məlumatına görə, söhbət ümumilikdə 50 raketin ötürülməsindən gedir.

“Storm Shadow/SCALP” havadan buraxılan qanadlı raketdir. Bu, fransız “Matra” və Britaniyanın “British Aerospace” şirkətinin birgə məhsuludur. İndi onlar Avropa istehsalçısı olan MBDA tərəfindən istehsal olunur. “The Drive” Amerika nəşrinə görə, ixrac variantlarının diapazonu 250 kilometrdir, lakin 560 kilometrə qədər modifikasiyalar var.

Akqabay