Rusiya Odessaya hava Zərbələri endirdi: Ölənlər və yaralananlar var

Ukraynanın Odessa şəhərinə raket zərbələri endirilib. Hücum nəticəsində iki evə ziyan dəyib, azı 6 nəfər həlak olub. 

Bu barədə Ukrayna ordusunun "Cənub" hava komandanlığının ictimaiyyətlə əlaqələr xidməti məlumat yayıb .

Vurğulanıb ki, ruslar saat 14:00-15:00 radələri arasında bir neçə qanadlı raket atıblar. Raketlər Rusiyanın TU-95 strateji təyyarəsi ilə Xəzər dənizindən buraxılıb.

"Hərbi əməliyyatların aparılması zamanı zenit-raket bölmələrinin əsgərləri Odessa şəhərinə zərbə endirmiş düşmənin iki qanadlı raketini (əvvəllər X555 və ya Kh101) və qanadlı raketlərin uçuşunu korreksiya edən 2 əməliyyat-taktiki PUA-sını məhv ediblər", - məlumatda deyilir.
/Publika.az/