Prezident Bərzani bu gün Azərbaycana səfər edəcək

İyulun 18-də Prezident İlham Əliyev ilə İraq Kürdüstanının prezidenti Neçirvan Bərzani görüşəcək.

News24.az xarici mətbuata istinadən xəbər verir ki, bu gün Neçirvan Bərzaninin ölkəmizə rəsmi səfəri gözlənilir.

Prezidentin bəyanatında qeyd edilib ki, bu səfərin məqsədi Azərbaycanın İraq və Kürdüstan regionu ilə əlaqələrini müzakirə etmək, eləcə də müxtəlif sektorlar üzrə qarşılıqlı faydalı əməkdaşlığın inkişafına təkan verməkdir.

Xatırladaq ki, Azərbaycan prezidenti bu il fevralın 18-də Almaniyada keçirilən Münhen Təhlükəsizlik Konfransında iştirakı çərçivəsində baş tutan görüşdə Bərzanini ölkəmizə rəsmi səfərə dəvət edib.