Gündə 10 dəqiqə birbaşa günəş işığına məruz qalsanız...

Bədəndə D vitamininin kifayət qədər istehsalı üçün gündəlik 10-30 dəqiqə birbaşa günəş işığına məruz qalmaq kifayətdir, günəşdən qoruyucu krem isə onun istehsalına təsir etmir. 

News24.az xəbər verir ki, bu barədə Baylor Tibb Kollecinin saytında məlumat verilib. 

İnsanlar dəridə ultrabənövşəyi şüalara məruz qaldıqda qaraciyər və böyrəklər tərəfindən faydalı D vitamininə çevrilən D3 vitamini istehsal edirlər. İnsanlar yayın istisindən qaçmaq üçün qapalı məkanlarda daha çox vaxt keçirməyə üstünlük versələr də, vitamin istehsalını təmin etmək üçün gündə cəmi 10-30 dəqiqə birbaşa günəş işığı lazımdır. 

“D vitamini sümük sağlamlığı, kalsiumun udulması, iltihabı azaltmaq, hüceyrə böyüməsini təşviq etmək, immun və ürək-damar sistemini dəstəkləmək üçün vacibdir. İnsanlar bir neçə ay ərzində D vitamini çatışmazlığı yaşaya və özlərini yaxşı hiss edə bilərlər, lakin uzun müddət aşağı səviyyələr sümük və qalxanabənzər vəzin sağlamlığının pisləşməsinə səbəb ola bilər”, - məlumatda yazılıb. 

Həmçinin qeyd edilir ki, Bədən D vitaminini qidadan da mənimsəyir. Həkim qeyd edib ki, balanslı qidalanan insanlar adətən lazımi miqdarda D vitamini alırlar. Əgər çatışmazlıq olarsa, daha çox yağlı balıq, yağsız zülal və yumurta istehlak etməlisiniz. Çatışmazlıq böyrək və ya paratiroid xəstəliyinə səbəb ola bilər.

Arzu