“Barbi” filmi rekord gəlir əldə etdi

İyulun 21-də premyerası olan “Barbi” filmi həftəsonu ABŞ-də 155 milyon dollar gəlir əldə edib.

News24.az xəbər verir ki, bu barədə “Warner Bros” kinostudiyasının daxili distribusiya şöbəsinin rəhbəri Ceff Qoldşteyn bildirib.

“Biz ilk həftəsonu 75 milyon dollar qazanacağımızı düşünürdük. Heç kim 155 milyon dollar gözləmirdi”, - o qeyd edib.

Beləliklə, “Barbi” filmi apreldə ilk həftəsonunda, “Bloomberg”in məlumatına görə, 146,4 milyon dollar qazanmış “Super Mario Qardaşları Filmi” lentini geridə qoyaraq ilin ən çox gəlir gətirən debütü olub.