4 yaşlı uşağın üzərinə qaynar su töküldü

Sankt-Peterburqun Petroqradski rayonunda 4 yaşlı uşaq qaynar sudan yanıb.

News24.az xəbər verir ki, bu barədə “78.ru” məlumat yayıb.

Çoxsaylı yanıq xəsarətləri alan uşaq Sankt-Peterburq şəhər uşaq xəstəxanasına aparılıb. Qızın vəziyyəti həkimlər tərəfindən ağır qiymətləndirilib.

İlkin məlumata görə, qız üzərinə çaydanda olan qaynar su aşıb. Zərərçəkənə qasıq nahiyəsinin, bud və ayağın I dərəcəli termiki yanığı diaqnozu qoyulub.

Hadisənin baş vermə şəraiti hüquq-mühafizə orqanları tərəfindən müəyyən edilir.