Fabreqas futbolçularından gileyləndi

Komo"nun baş məşqçisi Sesk Fabreqas futbolçularından gileylənib.

News24.az "Football Italia" nəşrinə istinadən xəbər verir ki, o, İtaliya A Seriyasının 17-ci turunda "İnter"ə 0:2 hesabı ilə məğlub olduqları oyundan sonra deyib: 

"Hər şey detallara bağlanır: standartların hesabına çıxılmaz vəziyyətlərdən çıxmalı oldular. Düşünmürəm, "İnter" gözləyirdi ki, "Komo" topsuz bu qədər yaxşı olacaq. Amma biz topla olanda daha yaxşı oynamalıyıq. Bu gün aydın şəkildə hansı futbolçuların qanında mənim oyun tərzimin olduğunu, hansılarda isə olmadığını gördüm. 

Yadıma gəlmir ki, "İnter" birinci hissədə nəsə etsin. Əsəbiyəm, çünki biz hiss edirdik ki, onlardan xal ala bilərik, amma etmədik. Mənə xarakterli oyunçular lazımdır". 

Qeyd edək ki, "Komo" turnir cədvəlində 15 xalla 16-cı yerdədir./qol.az