Dominikanda partlayışda ölənlərin sayı ARTDI

Dominikan Respublikasının cənubundakı San-Kristobal əyalətində baş verən partlayış nəticəsində ölənlərin sayı artıb.

News24.az APA-ya istinadən xəbər verir ki, bu barədə “Hoy” qəzeti məlumat yayıb.

Hadisədə ölənlərin sayı 32-ə çatıb. Daha əvvəl 25 nəfərin öldüyü bildirilirdi. Qeyd olunur ki, hazırda 59 zərərçəkəndən 12-si xəstəxanalarda müalicə alır.

Partlayış avqustun 14-də plastmas istehsal edən fabrikdə baş verib.