Çin idmançısı dünya rekordunu təzələyib

Çində 50 kilometr məsafəyə idman yerişi üzrə yarışda yerli idmançı Liu Hong dünya rekordunu təzələyib.

News24.Az AZƏRTAC istinadla xəbər verir ki, atlet bu məsafəni 3 saat 59 dəqiqə 15 saniyəyə qət edib. Liu Hongdan əvvəl də bu məsafə üzrə dünya rekordu Çinin digər qadın idmançısı Liang Ruiyə (4 saat 4 dəqiqə 36 saniyə) məxsus idi.
Liu Hong 20 kilometr məsafəyə idman yerişi üzrə “Rio-2016” Yay Olimpiya Oyunlarının qalibi, dünya çempionatının qızıl, gümüş və iki dəfə bürünc mükafatçısıdır. İdmançı, eyni zamanda, bu məsafə üzrə 2015-ci ildə yeni rekord müəyyən edib (1 saat 24 dəqiqə, 38 saniyə).