İrəvandan Qafana uçan təyyarə "itdi"

Bu gün səhər saat 08:00-da İrəvandan Qafana planlaşdırılan uçuş həyata keçirilməyib. 

News24.az erməni mətbuatına istinadla xəbər verir ki, “Zvartnots” hava limanından havaya qalxan təyyarə Qafan hava limanına eniş etməyib. Saat 11:00-da Qafan-İrəvan reysi nəzərdə tutulsa da, bu da baş tutmayıb. 

“Zvartnots” hava limanının rəsmi saytında bu uçuş xəttində qeyd olunub ki, sərnişinlər aviaşirkətlə əlaqə saxlasınlar.

Şirkət əməkdaşı “Hraparak” saytına bildirib ki, təyyarə əlverişsiz hava şəraiti ilə əlaqədar “Zvartnots” hava limanına qayıtdığı, yəni havada dövrə vuraraq geri qayıtdığı üçün Qafan hava limanına eniş etməyib.

“Hraparak” nəşri yazır ki, bu istiqamətə xidmət edən təyyarədə 17 yer var. Qafan sakinlərindən biri nəşrə bildirib ki, bu gün rayonda hava günəşlidir.

Akqabay