Mərakeşdə zəlzələdə ölənlərin sayı 1305-ə çatdı

Mərakeşdə baş verən 7 bal gücündə zəlzələdə həyatını itirənlərin sayının 1305-ə yüksəlib.

News24.az xəbər verir ki, bu barədə Mərakeş Daxili İşlər Nazirliyi məlumat yayıb. 

Nazirlikdən verilən açıqlamaya görə, Mərakeşin Əl-Huz bölgəsində baş verən zəlzələdə yaralıların sayı isə 1832-yə yüksəlib, onlardan 1220-sinin vəziyyəti ağırdır. 

Zəlzələnin paytaxt Rabatla yanaşı, Kasablanka, Meknes, Aqadir və Fes şəhərlərində də hiss edildiyi bildirilib.

Qeyd edək ki, zəlzələ ilə əlaqədar ölkədə 3 günlük matəm elan edilib.

Günəş Mərd